കാഞ്ഞങ്ങാട്: സ്വതന്ത്ര കര്‍ഷക സംഘം സംസ്ഥാന ജനറല്‍ സെക്രട്ടറിയായി സി. മുഹമ്മദ് കുഞ്ഞിയെ തിരഞ്ഞെടുത്തു. കാഞ്ഞങ്ങാട്ട് നടന്ന സംസ്ഥാന എക്സിക്യൂട്ടീവ് യോഗത്തിലാണ് ആരോഗ്യ പ്രശ്നങ്ങളാല്‍ സ്ഥാനമൊഴിഞ്ഞ മുന് എം എല്‍ എ കളത്തില്‍ അബ്ദുല്ലക്ക് പകരമായി ജനറല്‍ സെക്രട്ടറിയായത്. സംസ്ഥാന എം.എസ്.എഫിലൂടെ രാഷ്ട്രീയത്തിലേക്ക് ഇറങ്ങിയ സി മുഹമ്മദ്കുഞ്ഞി എം എസ് എഫ് സംസ്ഥാന സെ ക്രട്ടറി, യൂത്ത് ലീഗ് ജില്ലാ ജനറല്‍ സെക്രട്ടറി, ഹോസ്ദുര്‍ഗ്ഗ് താലൂക്ക്, ഉദുമ നിയോജകമണ്ഡലം മുസ്ലിം ലീഗ് ജനറല്‍ സെക്രട്ടറി, കാസര്‍കോട് ജില്ലാ മുസ്ലീംലീഗ് സെക്രട്ടറി തുടങ്ങിയ നിലകളില്‍ പ്രവര്‍ത്തിച്ചു. സ്വതന്ത്ര കര്‍ഷക സംഘം സംസ്ഥാന ഓര്‍ഗനൈസിംഗ് സെക്രട്ടറിയായി കഴിഞ്ഞ ഏതാനും വര്‍ഷമായി പ്രവര്‍ത്തിച്ചുവരികയായിരുന്നു. നിലവില്‍ എം ഇ എസ് ജില്ലാ പ്രസിഡണ്ടായും ന്യൂനപക്ഷ വിദ്യാഭ്യാസ സമിതിയുടെ ജില്ലാ ജനറല്‍ സെക്രട്ടറിയുമായി പ്രവര്‍ത്തിച്ചുവരികയാണ്. ചരിത്രം തേടി ലോക സഞ്ചാരം എന്ന പുസ്തകമടക്കം ഏതാനും പുസ്തകങ്ങള്‍ രചിച്ചിട്ടുണ്ട്.
സി മുഹമ്മദ് കുഞ്ഞി സംസ്ഥാന സെക്രട്ടറി
