മുന്നാട്: പ്രമുഖ സിപിഎം നേതാവും കമ്മ്യൂണിസ്റ്റ് പാര്‍ട്ടി മലയോരത്ത് കെട്ടിപ്പടുക്കുന്നതില്‍ നിര്‍ണ്ണായക സ്വാധീനം ചെലുത്തുകയും ചെയ്ത മുന്നാട് ബാലന്‍ (75) അന്തരിച്ചു. ശ്വാസ സംബന്ധമായ അസുഖത്തിന് ചികിത്സയിലിരിക്കെ കാസര്‍കോട്ടെ സ്വകാര്യ ആശുപത്രിയിലായിരുന്നു അന്ത്യം. ജയപുരം സ്വദേശിയായ ബാലന്‍ നിലവില്‍ കുണ്ടംകുഴിയിലായിരുന്നു താമസം. അടിയന്തരാവസ്ഥ കാലത്ത് കൊടിയ പോലീസ് മര്‍ദ്ദനത്തിന് ഇരയായി. ജയില്‍ വാസവും അനുഭവിച്ചിട്ടുണ്ട്. ഡിവൈഎഫ്ഐ അവിഭക്ത കണ്ണൂര്‍ ജില്ലാ കമ്മിറ്റി അംഗമായിരുന്നു. കുണ്ടംകുഴിയില്‍ പൊതുദര്‍ശനത്തിന് വയ്ക്കുന്ന മൃതദേഹം പൊതുദര്‍ശനത്തിന് ശേഷം അദ്ദേഹത്തിന്‍റെ ആഗ്രഹ പ്രകാരം പരിയാരം മെഡിക്കല്‍ കോളേജിന് കൈമാറും. ഭാര്യ: കൃപ. മക്കള്‍: എം.കെ. സുരേഷ് ബാബു, എം.കെ പത്മിനി. മരുമക്കള്‍: ലീന (കാനത്തൂര്‍), നാരായണന് (കയ്യൂര്‍). സഹോദരങ്ങള്‍: എംആര്‍ സുകുമാരന്‍, എം.ആര്.രാഘവന്‍, എം.ആര്.സുശീല, എം.ആര്.ലക്ഷ്മി, പരേതരായ എം.ആര്.ഭാസ്കരന്‍, എം.ആര്.കരുണാകരന്‍.
മുന്നാട് ബാലന്‍ അന്തരിച്ചു
